BAADA YA KUMKOSA VARDY , ARSENAL YAMGEUKIA MCHEZAJI MWINGINE WA LEICESTER CITY.

Mbio za Arsenal kumsajili mshambuliaji wa Leicester City, Jamie Vardy zimekisha baada ya mshambuliaji huyo kuongeza mkataba wa miaka minne kuendelea kuichezea klabu yake hiyo na sasa Arsenal inaonekana kubadili mwelekeo.

Akitoa maoni yake baada ya Vardy kuongeza mkataba, kocha wa Arsenal alisema wanaweza kutuma ofa ya kutaka kumsajili kiungo wa Leicester City, N’Golo Kante lakini ni mapema kwa sasa kuzungumzia hilo.

“Nadhani Leicester wametoa suluhisho kuwa Vardy atasalia klabuni hapo. Tulikuwa tukimuhitaji lakini kwa sasa hakuna la zaidi,

Kuhusu Kante Wenger alisema “Ni ngumu kwa sasa kuzungumza kuhusu hilo kwa wakati huu, Kante yupo katika orodha ya wachezaji ambao wanahitajika katika vilabu vingi, tutaona lipi litatokea kwa wiki mbili au tatu zijazo.

“Kama ukiuliza watu 100 mtaani kuwa wanahitaji Kate acheze timu ya taifa ya Ufaransa, utapata watu wote wakitaka awepo amefanya kazi nzuri katika mechi ambazo amecheza na hilo halinishangazi,” alisema Wenger.