MAKUMBA FC, KILUVYA UNITED, NDANI YA 16 BORA YA SPORTS EXTRA NDONDO CUP

Michuano ya Sports Extra Ndondo Cup inayodhaminiwa na Dr. Mwaka, gazeti la Mwanaspoti na Azam Media, leo imeendelea tena kwa michezo miwili iliyopigwa kwenye viwanja tofauti.

Kwenye uwanja wa Chuo cha Utalii zamani ukifahamika kama Bandari ambapo Makumba FC imeichapa Agrey kwa bao 1-0 goli la Makumba likifungwa na Ally Mohamed ‘Gaucho’.

Patashika nyingine ilikuwa kwenye uwanja wa Shule ya Msingi Mwananyamala, Kiluvya United imefanikiwa kuibuka na ushindi wa bao 1-0 dhidi ya wapinzani wao Broken Chai. Bao pekee katika mchezo huo limefungwa na Mwinyi Elias.

Kwa matokeo hayo ya Kundi D, Makumba imefanikiwa kuongoza kundi hilo kwa pointi 7 sawa na Kiluvya United lakini Makumba wanakaa kileleni mwa Kundi D kwa tofauti ya magoli ya kufunga na kufungwa na timu hizo mbili zinafuzu kucheza hatua ya 16 bora ya michuano ya Ndondo Cup 2016.

Kesho michuano hiyo itaendelea, kwenye uwanja wa Bandari utachezwa mchezo kati ya Gomz United dhidi ya Mtoni City wakati Urafiki Shooting watakuwa wakipambana na Wauza Mairi kwenye uwanja wa Shule ya Msingi Kijitonyama.