MWANAFUNZI WA CHUO KIKUU UDOM ATIWA MBARONI KWA KUKUTWA NA MISOKOTO YA BANGI 826

 

Mwanafunzi wa Chuo Kikuu cha Dodoma (Udom) Nelson Matee (24) amtiwa mbaroni na Jeshi la Polisi baaada ya kukutwa na misokoto 826 ya Bangi
Jeshi la polisi mkoani Dodoma limethibitisha kumtia mbaroni Nelson na mwenzake kwa kosa hilo.
Nelson ambaye ni mwanafunzi wa kozi ya uuguzi mwaka wa nne.
 

Akizungumza na waandishi wa habari ofisi kwake leo asubuhi, kamanda wa Polisi Mkoa wa Dodoma, Lazaro Mambosasa alisema kuwa mwanafunzi huyo alikamatwa Mei 9 mwaka huu kufuatia msako mkali uliofanywa na jeshi hilo chuoni hapo ambapo mtuhumiwa alikutwa na jumla ya misokoto 826 ya bangi yenye uzito wa kilo 2.8 akiwa ameiweka kwenye mifuko ya nailoni chumbani kwake.
 

Mambosasa amesema kuwa mtuhumiwa alipohojiwa alisema kuwa amekuwa akifanya biashara hiyo ya kuuza bangi kwa kipindi cha miaka minne tangu alipojiunga na chuo hicho na kwamba alikuwa akiwauzia wanafunzi wenzake.