RONALDINHO NI MCHEZAJI BORA ZAIDI YA RONALDO NA MESSI – DECO

Deco amesema kwamba Ronaldinho alikuwa na kipaji zaidi ya Cristiano Ronaldo na hata Messi.

Mchezaji huyu wa zamani alicheza kwenye Barcelona pamoja pamoja na Messi na Ronaldinho na alicheza pamoja na Ronaldo kwenye timu ya taifa ya Ureno.

Lakini licha ya Kuwa Messi na Ronaldo wanatajwa na wengi kuwa wachezaji bora zaidi kutokea miaka hii ya karibuni, kuta ambacho kinatetewa na kwamba Ballon d’or nane mfululizo zimeenda kwa hawa wawili , Deco yeye anaamini kwamba Ronadinho kawazidi wote

“Ronaldinho alikuwa bora zaidi ya Messi na Ronaldo”, Deco aliiambia Sport. “Pale ambapo tulikuwa hatujui nini cha kufanya kabisa, yeye alitengeneza nafasi za kufunga.”

“Ronaldo alikuwa mdogo, mwenye nguvu na alikuwa anapenda sana kushindana, Messi alitia jitihada nyingi sana ili kuweza kufanya anachofanya sasa Barca. Ila alichokuanacho Ronaldinho alizaliwa nacho. Alikuwa na kipaji cha ajabu, kila tulipompa mpira alifunga goli lingine tofauti kabisa.”

Ronaldinho alishinda Copa America mwaka 1999 na Kombe la Dunia mwaka 2002 akiwa na Brazil. Alikuwa mchezaji bora wa mwaka wa FIFA mwaka 2004 na 2005.

Pia alishinda ligi ya Hispania mara mbili pamoja na Ligi ya mabingwa mwaka 2006 akiwa na Barcelona na amechezea klabu mbalimbali kama Gremio, PSG na AC Milan ambapo alishinda ubingwa wa ligi 2010-2011.